【萬千星輝頒獎典禮2022】《下流上車族》獲最佳劇集獎　林敏驄讚曾志偉：有顆善良嘅心

TVB《萬千星輝頒獎典禮2022》最佳劇集由《下流上車族》奪得，劇中眾演員上台領獎，該劇男主角林敏驄一上台為自己的演唱會宣傳說：「我想講嘅好簡單，2023年係好特別嘅一年，3月18、19號有兩場好精彩嘅演唱會。」

然後他續稱：「個人榮辱好小事，識攞梗係攞終極大獎，真係能夠參與呢套劇我覺得好驕傲。係咪要多謝珍姐 (曾勵珍)？」

接著林敏驄感性地說：「多謝我老友總經理 (曾志偉) ，佢對我無乜好過，我一路等佢良心發現。佢甚至係比我更加了解我，佢好似係一個最好嘅朋友，默默守護喺你身邊，知道晒你可以做到咩嘢，同埋知道你有咩不足，適當時候推你一下，多數時候想推你去死。佢係有一顆善良嘅心，幫過幾百人....，我都數唔到有幾多個係佢幫助過嘅。」

記者：游艾維、陳曉柔